សមត្ថកិច្ចស្រុកស្អាងឃាត់ខ្លួនមនុស្សប្រុសស្រីបួននាក់ពាក់ព័ន្ធករណីល្បែងបៀរអាប៉ោង
10-July-2016 | ដោយ មែន កំសត់
កណ្តាល៖កម្លាំងនគរបាលស្រុកស្អាងបាន ចុះឃាត់ខ្លួនមនុស្សប្រុសស្រីបួននាក់ពាក់ព័ន្ធករណីបៀរនិងអាប៉ោង ដែលក្រុមជននេះបានប្រព្រឹត្តល្បែងស៊ីសងស្ថិតនៅចំណុចក្រោយផ្ទះឈ្មោះ ម៉ៅវិបុលក្នុងភូមិព្រែកតាព្រីងឃុំសិត្បូស្រុកស្អាងខេត្តកណ្តាល កាលពីល្ងាចថ្ងៃទី៩ខែកក្កដាឆ្នាំ២០១៦។
មន្ត្រីនគរបាលបាន ឲ្យដឹងថាក្រុមជនសង្ស័យលេងល្បែងស៊ីសងបៀរនិងអាប៉ោងខុសច្បាប់ដែល សមត្ថកិច្ចឃាត់ខ្លួននេះឈ្មោះម៉ៅ វិបុលអាយុ ៤៥ឆ្នាំ ជនជាតិខ្មែរ មុខរបរលក់បន្លែឈ្មោះ ឃន វ៉ាន់នី ភេទស្រី អាយុ ៤២ឆ្នាំ ជនជាតិខ្មែរ មុខរបរលក់បន្លែ (ត្រូវជាប្រពន្ធឈ្មោះ ម៉ៅ វិបុល)
ឈ្មោះ អេម សំអាត ភេទប្រុស អាយុ ៤១ឆ្នាំជនជាតិខ្មែរមុខរបររត់ម៉ូតូកងបី(មេបាញ់អាប៉ោង)អ្នក ទាំងបីខាងលើមានទីលំនៅភូមិព្រែកតាព្រីង ឃុំសិត្បូ ស្រុកស្អាង ខេត្តកណ្តាល។ឈ្មោះ ឈុន ឡៃ ភេទប្រុស អាយុ ៥០ឆ្នាំ ជនជាតិខ្មែរ មុខរបរសន្តិសុខរោងចក្រ មានទីលំនៅភូមិទន្លាប់ ឃុំពោធិ៍រំចាក ស្រុកព្រៃកប្បាស់ ខេត្តកណ្តាល។
មន្ត្រីដដែលបានបន្តថានៅ ថ្ងៃកើតហេតុក្រោយពេលទទួលបានព័ត៌មានថាមានសកម្មភាពលេងល្បែងស៊ីសង នៅក្រោយផ្ទះឈ្មោះម៉ៅវិបុលស្ថិតភូមិព្រែកតាព្រីងឃុំសិត្បូ សមត្ថកិច្ចនគរបាលស្រុកស្អាងបានទៅដល់កន្លែងធ្វើការបង្ក្រាប ល្បែងស៊ីសងនិងឃាត់ខ្លួនជនសង្ស័យរួមទាំងវត្ថុតាងតែម្តង។
មន្ត្រី ដដែលបានបន្តថាវត្ថុតាងរួមមានមេអាប៉ោងចំនួនពីរចានអាប៉ោងចំនួនមួយ គំរបអាប៉ោងចំនួនមួយកំរាលក្រាលចាក់អប៉ោងចំនួនមួយ ក្រដាស់លេខឆ្នោតមួយចំនួននិងប្រាក់ចំនួន៣២៥.០០០រៀល។បច្ចុប្បន្ន ជនសង្ស័យត្រូវសមត្ថកិច្ចបញ្ជូនទៅអធិការដ្ឋាននគរបាលស្រុកស្អាងដើម្បី កសាងសំណុំរឿងតាមនីតិវិធី៕
ចំនួនអ្នកទស្សនា
- ថ្ងៃនេះ231
- ម្សិលមិញ12101
- សប្តាហ៍នេះ12341
- ខែនេះ127491
- ឆ្នាំនេះ127491
- សរុប20569947